वैशाखभर विद्यालय बन्द गर्ने सरकारको निर्णय

काठमाडौं / सरकारले वैशाखभर विद्यालय बन्द गर्ने निर्णय गरेकाे छ ।

मन्त्रिपरिषदको आज बिहान बसेको बैठकले वैशाखभर सार्वजनिक तथा निजी विद्यालय बन्द गर्ने निर्णय गरेको भूमि व्यवस्था, सहकारी तथा गरिवी निवारण मन्त्री डा. शिवमाया तुम्बाहाङफेले जानकारी दिनुभयो । यातायातसहितका सार्वजनिक स्थानमा मापदण्ड बनाएर सञ्चालन गर्न सरकारले आजै राजपत्रमा सूचना प्रकाशित गर्नेछ ।

बैठकले चालू हिउँदे अधिवेशन आज दिउँसो १ बजेबाट अन्त्य गर्न राष्ट्रपतिसमक्ष सिफारिस गरेको छ । पुस ५ गते विघटन भएर सर्वोच्च अदालतको फैसलापछि फागुन ११ गते पुनःस्थापित प्रतिनिधिसभाको अधिवेशन फागुन २३ गते सुरु भएको थियो ।

अाजकाे तपाईकाे दिन, वैशाख ०६ गते साेमबार

वि.सं.२०७८ साल बैशाख ०६ गते । सोमबार । ईश्वी सन् २०२१ अप्रिल १९ तारिख । नेपाल संवत् ११४१ । राक्षस संवत्सर । उत्तरायण । वसन्त ऋतु । श्रीशाके १९४२ । चैत्र शुक्लपक्ष । तिथि–सप्तमी,३४ घडी ०२ पला,बेलुकी ०७ बजेर १५ मिनेट उप्रान्त अष्टमी । नक्षत्र–पुनर्वसु,५२ घडी १८ पला,रातको ०२ बजेर ३३ मिनेट उप्रान्त तिष्य । योग– सुकर्मा,२७ घडी ०१ पला,बेलुकी ०४ बजेर २६ मिनेट उप्रान्त धृति । करण–गर,बिहान ०६ बजेर ५२ मिनेट उप्रान्त वणिज,बेलुकी ०७ बजेर १५ मिनेट उप्रान्त भद्रा । आनन्दादिमा–धुम्र योग । चन्द्रराशि–मिथुन,बेलुकी ०८ बजेर १५ मिनेट उप्रान्त कर्कट ।

काठमाडौंमा सूर्योदय बिहान ०५ बजेर ३७ मिनेट,सूर्यास्त बेलुकी ०६ बजेर ३० मिनेट । दिनमान ३२ घडी ११ पला ।

मेष(चू,चे,चो,ला,लि,लू,ले,लो,अ) दाजुभाई तथा छिमेकीसँगको सम्बन्धमा नयाँ आयाम थपिनेछ । पराक्रम बढ्ने हुनाले शाहशिलो काममा हात हाल्नुहोला सफलता मिल्नेछ । वादविवाद तथा मुद्दा मामिलामा तपार्ईँकै जित हुनेछ । माया प्रेममा सामिप्यता बढ्नुको साथै पति पत्नी बीच मायाको डोरो कसिलो भएर जानेछ । उद्योग व्यापार व्यावसायमा प्रशस्त आम्दानी हुनेछ । छोटो तथा अर्थपूर्ण भ्रमणको तय हुनेछ । बिद्यामा सोचेजस्तै सफलता पाइनेछ ।

वृष(ई,ऊ,ए,ओ,वा,वी,वू,वे,वो) मिठो मसिनो तथा स्वादिष्ट भोजनका साथ रमाईलो गर्दै दिन कटाउन सकिनेछ । बोलिको प्रभाव बढ्ने तथा थोरै बोलेर महत्वपूर्ण कामहरु फत्ते गर्न सकिनेछ । प्रेमप्रसङमा आफूले मायालुलाई आफ्नै वरिपरि देख्न पाउदा मन खुशी हुनेछ भने पति पत्नी बीच मायाको डोरो कसिलो भएर जानेछ । फेसेनेवल तथा विलाशी सामानको व्यापार व्यावसायबाट मनग्गे आम्दानी गर्न सकिनेछ । अध्ययन तथा अध्यापनमा मन जाने हुनाले नतिजा तपार्ईँकै पोल्टोमा पर्नेछ ।

मिथुन (का,की,कू,घ,ङ,छ,के,को,हा) सामाजिक कामहरु समयमा नै सम्पादन गर्न सकिने हुँदा मान सम्मानमा बृद्धि हुनेछ । राजनीतिकर्मीले सर्वसाधारणको काम गरी पद प्रतिष्ठा प्राप्त गर्न सक्नेछन् । पढाइ लेखाइमा उल्लेख्य प्रगति गर्न सकिने तथा नतिजा आफैतिर ल्याउन सकिनेछ । भौतिक सम्पती तथा विलाशी वस्तुको प्रयोग गर्न पाइने समय रहेकोले मन प्रशन्न हुनेछ । माया प्रेममा सामिप्यता बढेर जानेछ भने दाम्पत्य जीवन खुशी रहनेछ ।

कर्कट (ही,हू,हे,हो,डा,डी,डु,डे,डो) लामो समयदेखि थाती रहेको आर्थिक मुद्दाहरु हल भएर जानेछन् । लामो दुरिको विदेश यात्राको गतिलो सम्भावना रहेकोछ भने विदेशमा बसेर काम गर्नेहरुले मनग्गे रुपैया पैसा कमाउन सक्नेछन् । स्वदेश तथा विदेशमा उत्पादित सामानको व्यवसाय फस्टाएर जानेछ । पढाइ लेखाइ प्रगतिकै बाटोमा अगाडी बढ्ने योग रहेकोछ । माया प्रेममा सामान्य मनमुटाव सिर्जना भएपनि अन्तत एक अर्कालाई विश्वास गर्दै अगाडी बढ्न सकिने समय रहेकोछ ।

सिंह (मा,मी,मू,मे,मो,टा,टी,टू,टे) आफन्तजन तथा दाजुभाईबाट भनेजस्तो सहयोग पाइने हुँदा मन प्रशन्न रहनेछ । माया प्रेममा सामिप्यता बढेर जानेछ भने परिवार तथा सन्तानको प्रगतिमा मन प्रशन्न हुनेछ । व्यापार व्यावसायबाट मनग्गे आम्दानी गर्न सकिनेछ । भौतिक सम्पती तथा सवारी साधन प्राप्तिको गतिलो सम्भावना रहेकोछ । बिद्यामा प्रतिस्पर्धीहरुलार्ई किनारा लगाउदै नतिजा आफैतिर ल्याउन सकिनेछ । प्राकृतिक स्रोत साधनको प्रयोग मार्फत मनग्गे धन आर्जन गर्न सकिनेछ ।

कन्या (टो,पा,पी,पू,ष,ण,ठ,पे,पो) गित संगितमा विषेश रुचि बढ्नेछ भने बिद्यामा तपाईँ अव्वल सावित हुनुहुनेछ । सत्रु परास्त हुनेछन् । पारिवारिक जमघटमा सहभागी भई मिष्ठान्न भोजन ग्रहण गर्ने अवसर प्राप्त हुनेछ । राजनीति तथा समाजसेवामा जनताको गतिलो समर्थन प्राप्त हुने हुनाले मान सम्मान तथा इज्जत प्रतिष्ठामा बृद्धि भएर जानेछ । व्यापार व्यावसायमा प्रशस्त आम्दानी हुनेछ । कृषी तथा पशुपालन व्यावसायबाट राम्रै आम्दानी हुनेछ । पति पत्नी बीचको सम्बन्ध सुदृड हुनुको साथै माया प्रेमको गाठो कसिलो भएर जानेछ ।

तुला (रा,री,रु,रे,रो,ता,ती,तू,ते) खोज तथा अनुशन्धानको क्षेत्रमा सकारात्मक नतिजा हात लाग्नेछ भने अध्ययनमा प्रगती भएर जानेछ । धार्मिक प्रतिष्ठान तथा मन्दिर तिरको यात्राको तय गर्न सकिनेछ । सरकारी तथा प्रशासनिक क्षेत्रमा तपार्ईँको गतिलो उपस्थिति रहनेछ । परिवारजनको सहयोगले नयाँ योजनाहरु बनाई आर्थिक अवस्था सुदृड बनाउन सकिनेछ । लामो दुरिको शैक्षिक तथा धार्मिक यात्राको तय गर्न सकिनेछ ।

वृश्चिक(तो,ना,नी,नू,ने,नो,या,यी,यू) समय तथा परिस्थिती अनुशार नचल्नाले दुःख पाइनेछ । व्यापार व्यावसायमा समय दिन नसक्दा घाटा लाग्ने योग रहेको छ । माया प्रेममा धोका हुनेछ भने पति दाम्पत्य जीवनमा घटपट आउनेछ । सामान्य स्वास्थमा समस्या आई उपचार खर्च बढेर जानेछ । पढाइ लेखाइमा समय दिन नसक्दा अरुभन्दा पछि परिने चिन्ताले सताउनेछ । भौतिक सम्पतीको प्रयोग गर्दा वा सवारी साधनको प्रयोग गर्दा तथा चलाउदा ध्यान दिनुहोला ।

धनु (ये,यो,भा,भी,भू,ध,फा,ढा,भे) साझेदारी व्यापार व्यावसायबाट प्रशस्त नाँफा कमाउन सकिनेछ । पर्यटन सम्वन्धी व्यावसायमा सामान्य चहलपहल हुनेछ । पारिवारिक माहोलमा दिन बित्ने हुदा मन प्रशन्न रहनेछ । माया प्रेम तथा पति पत्नी बीचको सम्बन्धको गाठो कसिलो भएर जानेछ । बिद्या तथा प्रतिस्पर्धामा अरुलाई पछाडी पारिनेछ । वैदेशिक यात्राको सम्भावना निकै बलियो रहेको छ । साथिभाई तथा आफन्तबाट उत्साहजनक सहयोग प्राप्त हुनेछ ।

मकर(भो,जा,जी,जू,जे,जो,ख,खी,खू,खे,खो,गा,गी) बिद्या तथा प्रतिस्पर्धामा प्रतिस्पर्धीहरुलार्ई परास्त गर्दै नतिजा आफूतिर ल्याउन सकिनेछ भने ऋण,रोग तथा सत्रुबाट छुटकारा पाउने समय रहेकोछ । राजनीति गर्नेहरुले सहकर्मीहरुलाई किनारा लगाउदै पद प्रतिष्ठा पाउनेछन् । व्यापार व्यावसाय फस्टाएर जानेछ भने आर्थिक रुपमा सम्पन्न हुने योग रहेकोछ । माया प्रेममा सामिप्यता बढेर जानेछ भने मामा तथा मावली पक्षबाट सहयोग तथा समर्थन पाइनेछ ।

कुम्भ (गू,गे,गो,सा,सी,सू,से,सो,दा) बैक तथा वित्तिय क्षेत्रसँग सम्वन्धीत व्यावसाय फस्टाएर जानेछ भने अन्य व्यावसायमा नाँफा कमाउँन केही समय पर्खनु पर्नेछ । बौद्धिक व्यक्तित्वहरु सामु तपार्ईँले प्रस्तुत गर्नुभएको खरो प्रस्तुतिले सबैको मन जित्नेछ । पढाइ लेखाइमा अरुभन्दा एक कदम अगी बढि नतिजा आफैतिर ल्याउन सकिनेछ । भौतिक तथा मानव निर्मित स्रोत साधनको प्राप्तीको योग रहेकोछ । सन्तान तथा छोराछोरीको प्रगतिमा मन रमाउनेछ । माया प्रेममा सामिप्यता बढेर जानेछ ।

मीन(दी,दू,थ,झ,ञ,दे,दो,चा,ची) जीवनशैलि व्यास्त भएपनि आर्थिक रुपमा पछी नै परिनेछ । आमा तथा आफ्नैबाट टाडिनु पर्ने बाध्यता आउनेछ भने कामको सवालमा देश परदेशको यात्राको तय हुनेछ । अध्ययनमा समय दिन नसक्दा सफलता चुम्न निकै मुस्किल पर्नेछ । मायाप्रेममा सामान्य मनमुटाब सिर्जना हुनेछ भने साथिभाईले नै धोका दिन सक्छन् । स्थाई सम्पतिमा विवाद आउनेछ । तरपनि कृषि तथा पशुपालन व्यावसाय भने व्यावसाय फस्टाएर जानेछ ।

छुवाछुत समाजको सामान्तबादी कुसस्कार हाे यसकाे अन्त्य गर्नुपर्छ : टुन्ज बराइली

दमक / छुवाछुत र विभेदका घटनाहरुलाई सामुदायिकरण गर्नु पर्ने राष्ट्रिय दलित आयोगका सदस्य टुन्ज बराइलीले बताउनु भयो ।
दलित जागरण अभियान केन्द्र नेपाल विर्तामोडले आज आयोजित बधाई तथा सम्मान कार्यक्रमलाई सम्वोधन गर्दै विभेदका घटनालाई आम नागरिकले उठाउनु पर्ने दलित आयोगका नवनियुक्त सदस्य बराइलीले बताउनु भएको हो । विभेद समाजको सामान्तबादी कुसस्कार भएको हुदा यसको अन्तको लागि जुझारु इमान्दार सामाजिक अभियन्ताहरुको अभियानको खाँचो रहेको वराइलीले बताउनु भयो ।
झापाको विर्तामोडमा भएको कार्यक्रममा दलित केन्द्रका अध्यक्ष छविलाल विश्वकर्माले दलित आयोगका सदस्य बराइलीलाई प्रमाण पत्र प्रदान गरी नेपाली टोपी लगाएर सम्मान गर्नु भएको छ । दलितका मुद्धालाई वर्गीकरण गरी पिडितलाई न्याय दिन आयोग लागि पर्ने उहाँले प्रतिवद्धता जनाउनु भयो । कार्यक्रममा दलित अगुवाहरुलाई साँची राखेर दलित आयोगलाई विजनेश दिन आग्रह गर्दै दलित समुदायलाई न्याय नतिजा दिन निरन्तर खट्ने टुन्जको भनाई छ ।
कन्काई नगरपालिका ५सुरुङाको बल बहादुर विश्वकर्मालाई सोही ठाउँका मोहन घिमिरेले कुटपिट गरी मारेको घटनाको दलित आयोगले छानविन गरी रहेको बताउदै निर्दोष विश्वकर्मालाई न्याय दिन दलित संघ संस्थाहरुको प्रत्यक्ष पहरेदारी हुनु पर्ने बराइलीले बताउनु भयो ।
प्रतिनिधि सभा सदस्य विमला विश्वकर्माले समाजमा रहेको विभेद अन्तको कानुन बने पनि कार्यन्वयन फितलो रहेको बताउनु भयो । १ नम्वर प्रदेशका पूर्व सामाजिक विकास राज्य मन्त्री जसमाया गजमेरले संविधान तह पाएको अधिकारको उपयोग सबै दलितहरु एक भएर लिनु पर्ने बताउनु भयो ।
कार्यक्रममा जिल्ला समन्वय समिति झापाका प्रमुख सोमनाथ पोर्तेलले आउदो ०७८ को जनगणना गर्न आउने गणकलाई दलित समुदाय भित्रका ब्यक्तिले थर र जात अनिवार्य रुपमा लेखाउन अनुरोध गर्नु भयो । विर्तामोड नगरपालिकाका मेयर ध्रुव शिवाकोटीले आयोगका सदस्य बराइलीलाई सफल कायकालको शुभकामना ब्यक्त गर्नु भएको थियो । कन्काई नगरपालिका ५सुरुङाको बल बहादुर विश्वकर्मालाई सोही ठाउँका मोहन घिमिरेले कुटपिट गरी मारेको घटनाको बिषयमा कन्काई नगरपालिकाको कार्यपालिका सदस्य सावित्रा वर्देवाले घटनाको सत्य तथ्य छानविन गरी निर्दोषलाई न्याय दिलाउन सबैलाई लागि पर्न अनुरोध गर्नु भयो ।

भाेलीबाट बिधालय बन्द गर्नु पर्ने नत्र लकडाउनकाे घाेषणा गर्ने : डा. जागेश्वर गौतम

स्वास्थ्य तथा जनसंख्या मन्त्रालयले अति प्रभावित १४ जिल्लाका सहरी क्षेत्रका सबै स्कुल भोलिदेखि नै बन्द गर्न आग्रह गरेको छ ।

मन्त्रालयका प्रवक्ता डा. जागेश्वर गौतमका अनुसार यी क्षेत्रमा विद्यालय बन्द नगरे लकडाउन गर्नुपर्ने अवस्था आउन सक्छ । अति प्रभावित १४ जिल्लामा काठमाडौं, ललितपुर, कास्की, रुपन्देही, चितवन, बाँके, पर्सा, भक्तपुर, कैलाली, मोरङ, दाङ, सुर्खेत, बारा र बाग्लुङ रहेका छन् ।

त्यहाँका सहरी क्षेत्रका विद्यालय बन्द गर्न आग्रह गरिएको उनले जानकारी दिए । “त्यहाँ विद्यालय बन्द नगरे लकडाउन गर्नुपर्ने अवस्था आउन सक्छ,” उनले भने, “त्यसैले विद्यालयमा अनलाइन कक्षा सञ्चालन गर्नुपर्ने हुन्छ ।”

यसअघि मन्त्रालयका प्रवक्ता डा. समीरकुमार अधिकारीले अपिल जारी गर्दै भीडभाड हुने क्षेत्र तत्काल बन्द गर्न भनेका थिए । १४ जिल्ला अति प्रभावित भएकाले सचेत रहन उनको अपिलमा आग्रह छ ।

“स्वास्थ्य तथा जनसंख्या मन्त्रालयले अति प्रभावित भनी वर्गीकरण गरेका जिल्लाहरुमा काठमाडौं, ललितपुर, कास्की, रुपन्देही, चितवन, बाँके, पर्सा, भक्तपुर, कैलाली, मोरङ, दाङ, सुर्खेत, बारा र बाग्लुङ बढी भीडभाड हुने सबै क्षेत्र तथा सेवाहरु अविलम्ब बन्द गर्नुपर्ने अवस्था भए पनि विद्यालय, रात्रि व्यवसायहरु, सात बजेपछि सबै रेष्टुरेन्ट तथा क्लबहरु, खेलकूद, जीम, सार्वजनिक पूजाआजा तथा जात्राहरु, सभा, सम्मेलन, बैठक तथा भेलाहरु, सिनेमा हल, सपिङ मल, नाचघर, पार्टी प्यालेस, हेल्थ क्लब, स्विमिङ पुल आदि स्थलहरुमा सहभागी नभइदिनु हुन,” उनले अपिलमा भनेका छन् ।

झापामा एम्बुलेन्स दुर्घटना हुदा चालककाे मृत्यु : सवार एक घाईते

शिवसताक्षीझापाको दूधेस्थित पूर्वपश्चिम राजमार्गमा एम्बुलेन्स दुर्घटना हुँदा चालकको मृत्यु भएको छ ।

बिहीबार बिहान (आज) शिवसताक्षी नगरपालिका ११ दुधे स्थित राजमार्गमा पूर्वबाट पश्चिमतर्फ आउँदै गरेको बा २१ च ७९८४ नं को एम्बुलेन्स आफै अनियन्त्रत भई दुर्घट्ना भएको हो ।

एम्बुलेन्स चालक ललितपुर गोदावरी न.पा ७ बस्ने २० वर्षिय उत्सब घिमिरेको दुर्घटनामा परी मृत्यु भएको इलाका प्रहरी कार्यालय झिलझिलेले जनाएको छ । एम्बुलेन्समा सवार अर्का सोही ठाउँका २० वर्षिय सन्तोष तामाङ गम्भीर घाईते भई उपचारको लागि बिएण्डसी अस्पताल बिर्तामोडमा उपचार भइरहेको छ ।

उपचारका लागि लगिएका चालकको बाटोमा मृत्यु भएको हो । घटनास्थलको प्रकृति हेर्दा चालक निदाएका कारण एम्बुलेन्स अनियन्त्रित भएको हुन सक्ने स्थानीयवासीले अनुमान गरेका छन् ।

पाडाजुगिमा ट्रक र माेटरसाईकल दुर्घटना

दमक / झापाकाे कमल गाउपालिका ६ स्थित पाडाजुगी ट्रक र माेटरसाईकल ठाेकिदा दुर्घटना भएकाे छ ।

कमल गाउपालिका ६ स्थित रबि पेट्रोलपम नजिक अाज साझ ७ : ३० बजे पुर्व पश्चिम राजमार्गमा पश्चिम बाट पुर्व तर्फ जादै गरेकाे ना ४ ख ९१४६ नम्बरकाे ट्रक संग पुर्वबाट पश्चिम तर्फ अाउदै गरेकाे मे१ प ९३१९ नम्बरको माेटरसाईकल एक अापसमा ठाेकिदा दुर्घटना भएकाे हाे ।

दुर्घटनामा माेटरसाईकल चालक चुलाचुली ईलामका वर्ष २१ जर्मन लिम्बू र माेटरसाईकल सवार साेहि ठाउँ बस्ने वर्ष १७ का मंगल सिङ राई गम्भीर घाईते भएका छन भने घाईतेलाई उपचारका लागी दमक स्थित लाईफ लाईन अस्पताल लगिएकाे थियाे  हाल थप उपचारका लागि बिराटनगर स्थित न्युराे अस्पताल लगिएकाे र ट्रकलाई नियन्त्रणमा लिईएकाे ईलाका ट्राफिक कार्यलय दमकले जनाएकाे छ ।

थप विवरण अाउन बाकी

नयाँ वर्षमा जीवन चक्रकाे सचेतना र शुभकामना

दमक / झापा दमकमा स्थापित समाजिक संस्था जीवन चक्र समाज नेपालले अाज दमक बस पार्कमा नयाँ वर्षकाे शुभकामना अादान प्रदान कार्यक्रम सम्पन्न गरेकाे छ ।

कार्यक्रममा सवारी चालकहरुलाई यश वर्ष २०७८ साल दुर्घटना रहित बनाेस भन्दै सवारी साधन चलाउदा ध्यान दिन पर्ने कुराहरु सचेत गराउदै अबिर र फुलका गुच्छा साटासाट गरि नयाँ वर्षकाे शुभकामना अादान प्रदान गरिईकाे थियाे ।

कार्यक्रम जीवन चक्र समाज नेपालका पदाधिकारी यज्ञ प्रसाद अार्चायकाे अध्यक्ष्ातामा भएकाे थियाे । शुभकामना कार्यक्रममा प्रमुख अतिथि इलाका प्रहरी कार्यालय दमकका प्रमुख नवराज कार्की ट्राफिक व्यवस्थापन समितिका अध्यक्ष प्रजापति सापकोटा ,सार्वजनिक यातायात राष्ट्रिय महासंघ प्रदेश नम्बर १का अध्यक्ष महेन्द्र अधिकारी, पुर्व डिएसपी जीवन श्रेष्ठ ,यातायात व्यवसायी गंगा सिटाैला, गणेश सर्जिकलका गणेश प्रधान ,एभरेस्ट सपिङ्ग सेन्टर दमकका प्राेपाइटर,व्यवसायी राेहित अाचार्य,राेटरी क्लबका पुर्व अध्यक्ष संदिप चापागाईं, इलाका ट्राफिक प्रहरीका दमकका प्रमुख दिलिप कुमार चाैधरी ,पत्रकार सुदिप अधिकारी, केदार पाैडेल लगायतको उपस्थिति रहेकाे थियाे ।

साे कार्यक्रम संस्थाका अध्यक्ष गणेश प्रसाद गाैतमले संचालन गर्नुभएकाे थियाे र कार्यक्रमका बारेमा सचिव बेनुराज प्रसाईले प्रकाश पार्नु भएकाे संस्थाका प्रवक्ता प्रदिपराज पाैडेलले जानकारी दिनु भयो ।

ईप्रका उर्लाबारीका प्रमुख पोखरेल प्रवल जनसेवा चतुर्थबाट विभूषित

उत्तम रिजाल, दमक। ईलाका प्रशासन कार्यालय उर्लाबारीका प्रमुख उप–सचिव श्रवण कुमार पोखरेल विभूषित हुनुभएको छ । सम्माननिय राष्ट्रपति विद्यादेवी भण्डारीले आज विशेष समारोहकावीच पोखरेललाई प्रवल जनसेवा श्री चतुर्थबाट विभूषित गर्नुभएको हो । विभूषित भएसँगै राज्यका लागि २० वर्षदेखि निरन्तर इमान्दारीपूर्वक काम गर्दै आएको र अहिले सम्मानित हुँदा गौरव महसुस भएको पोखरेलले प्रतिक्रिया दिनुभयो ।

उहाँले जिल्ला विकास समिति चितवन, जिल्ला प्रशासन कार्यालय ताप्लेजुङ्ग, मालपोत कार्यालय सुनसरी, कारागार कार्यालय पर्सा लगायतका विभिन्न कार्यालयमा जिम्मेवारी सम्हाली सक्नु भएको छ । पोखरेल सम्मानित भएसँगै इलाका प्रशासन कार्यालयका कर्मचारीमा खुशीयाली छाएको छ ।

सो कार्यालयका नायब सुब्बा सुरेन्द्रराज दाहालले आफ्नो कार्यालयका प्रमुख राष्ट्रपतिबाट सम्मानित भएकोमा आँफूहरुको शीर उच्चो भएको प्रतिक्रिया दिनुभयो । उहाँले यस्तो सम्मानले अन्य राष्ट्रसेवक कर्मचारीको मनोबल बढ्ने पनि बताउनुभयो ।

पछिल्लो २४ घण्टामा देशकाे काेराेना विवरण : ५ सय बढि संक्रमित ५ जनाकाे मृत्यु

पछिल्लो २४ घण्टामा काठमाडौंमा सबैभन्दा बढी कोरोना संक्रमित पुष्टि भएका छन् । स्वास्थ्य मन्त्रालयका अनुसार काठमाडौंमा १६१ जनामा संक्रमण पुष्टि भएको छ भने ललितपुरमा २६ र भक्तपुरमा १२ जनामा संक्रमण पुष्टि भएको छ ।
यस्तै पछिल्लो २४ घण्टामा देशभर भने  ५०० बढी कोरोना संक्रमित थपिएका छन् । मन्त्रालयका अनुसार थप ५१७ जनामा कोरोना संक्रमण पुष्टि भएको हो । यस्तै २४ घण्टामा रिपोर्ट प्राप्त भएका मृतकको संख्या ५ जना रहेको पनि मन्त्रालयले जनाएको छ ।
मन्त्रालयका अनुसार हालसम्म कोरोना संक्रमितको कुल संख्या २ लाख ८० हजार  ९८४ पुगेको छ । जसमध्ये निको हुनेको संख्या २ लाख ७४ हजार ३१८ पुगेको छ ।
यस्तै हालसम्म मृतकको कुल संख्या ३ हजार ५८ पुगेको छ भने आइसोलेशनमा रहनेको संख्या ३ हजार ६०८ पुगेको छ ।

सकेसम्म लकडाउन नगर्ने पक्षमा सरकार: पर्यटन मन्त्री


संस्कृति, पर्यटन तथा नागरिक उड्डयनमन्त्री भानुभक्त ढकालले कोभिड–१९ महामारी नियन्त्रणका लागि सरकारले भरसक बन्दाबन्दी लागू गर्नु नपरोस् भनेर आवश्यक तयारीमा जुटिरहेको बताएका छन्।

नेपाल पर्वतारोहण सङ्घ (एनएमए) को ३० औं वार्षिक साधारण सभाको आज यहाँ उद्घाटन गर्दै मन्त्री ढकालले कोभिड महामारी नियन्त्रणका लागि सरकार लागिपरेको बताए।

उनले भने, ‘विगतको कहालीलाग्दो अवस्थाले फेरि पनि झकझकाइरहेको छ। कोभिड महामारीको जोखिम नियन्त्रण र परिस्थितिलाई सहज बनाउने तयारीमा सरकार जुटिरहेको छ, भरसक बन्दाबन्दी नगरी परिस्थितिलाई नियन्त्रणमा लिने प्रयत्न जारी रहन्छ, कुनै विपत्ति आइलागेमा सामना गर्नुको विकल्प पनि छैन, अहिलेको अवस्थामा सबैले सजकता अपनाउन जरूरी छ।’

पर्यटनमन्त्री ढकालले कोभिड महामारीबाट सबभन्दा बढी प्रभावित बनेको मुलुकको पर्यटन क्षेत्र पछिल्ला दिनमा केही सुधाराका संकेत देखिए पनि केही दिनदेखि लगातार बढिरहेको कोभिडका सङ्क्रमितको सङ्ख्याले थप भयावह स्थिति सिर्जना हुने खतार बढेको उल्लेख गरे।

‘महामारीले थिलोथिलो बनेको पर्यटन क्षेत्र विस्तारै लयमा फर्कने वातावरण बनिरहेकामा पुनः कोभिडको अत्यासलाग्दो परिस्थितिले झस्काएको छ, छिमेकी मुलुक भारतमा महामारीको कहालीलाग्दो अवस्थाले खुला सीमाना, रहनसहन भएको मुलुक नेपालमा त्यसको असर पर्ने खतरा छ, हामी (नेपाल) १०० भन्दा कम सङ्ख्यामा झरिसकेको अवस्थामा हिजोआज ३०० भन्दा बढी सङ्क्रमित भेटिनु निकै चिन्ताको विषय हो’, उनले भने।

पर्यटनमन्त्री ढकालले छ हजार माथिका २७ चुली (पिक) को आरोहण व्यवस्थापनको जिम्मेवारी पाएको एनएमएलाई यसका अतिरिक्त अझै विस्तार गर्नेतर्फ सरकार सकारात्मक रहेको तथा सोको पहालकदमी गर्न पर्यटन मन्त्रालय तयार रहेको बताए।

उनले पर्वतारोहण क्षेत्रमा कुनै नीति तथा कानूनी समस्या र उल्झन भए त्यसको सहजीकरण गर्न आफू तत्पर रहेको बचन दिए। पर्यटन क्षेत्रको समृद्धि र विकासका निम्ति सरकार र निजी क्षेत्रको साझेदारितालाई फराकिलो पारिनुपर्नेमा पनि पर्यटनमन्त्रीको जोड थियो। रासस