नेकपा नेता राधाकृष्ण खनाललाई पुत्री शाेक

दमक / झापाको शिवसतासीमा आज स्कुटर र मोटरसाईकल एकापसमा ठक्कर खाँदा एक जना युवतीको ज्यान गएको छ ।
यसरी ज्यान जानेमा स्कटुर चालक शिवसतासी १ की १८ वर्षिया रञ्जना खनालको ज्यान गएको जिल्ला ट्राफिक प्रहरी कार्यालय झापाले जनाएको छ । मृतक नेकपा झापा क्षेत्र नम्बर ४ का इन्चार्ज राधाकृष्ण खनालको छोरी हुन् ।

पूर्वपश्चिम राजमार्ग अन्तर्गत झापाको शिवसतासी १ स्थित धरमपुरस्थित सडकखण्डमा आज विहान १० वजे भएको पूर्वबाट पश्चिम तर्फ जादै गरेको मे१० प. ८१४० को मोटरसाईकल र पश्चिमबाट दक्षिणतर्फ मोडिदैं गरेको मे.७ प.१६८७ नम्बर स्कुटर एकापसमा जुधेको थियो । दुर्घटनामा घाईते रञ्जनाको विर्तामोडस्थित विएण्डसी अस्पतालमा उपचार गर्न ल्याउन साथ ज्यान गएको थियो ।

ठक्करबाट मोटरसाईकलमा सवार चालक विर्तामोड ९ वस्ने १७ वर्षिय मौषम पाण्डे समेत घाईते भएको झिलझिले ट्राफिक प्रहरी पोष्टले जनाएको छ ।

यसैवीच, रञ्जनाको शव आज ५ वजे कन्काई नदीमा अन्त्येष्टि गरिने नेकपा झापाका अध्यक्ष चिन्तन पाठकले जानकारी दिएका छन् ।

Facebook Comments Box

                     

अरुपनि