राप्रपाको क्षेत्रीय अध्यक्षमा भिम पौडेल
दमक/ राष्ट्रिय प्रजातन्त्र पार्टीको झापा क्षेत्र नम्बर ५ को क्षेत्रीय अध्यक्ष भिम पौडेल भएका छन् । अन्तिम समयमा अध्यक्षका अर्का उमेद्धार खेम तिम्सिनाले उमेद्धारी फिर्ता लिएसँगै पौडेल क्षेत्रीय अध्यक्ष बन्न सफल हुनुभएको हो । पौडेललाई अध्यक्ष बनाउन तिम्सिनालाई नाम फिर्ता लिन राप्रपा नेतृत्वले निक्कै मेहनत गर्नु पर्यो ।
४ बजेर २० मिनेट सम्म सहमतिका लागि निर्वाचन समितिले दुबै उमेद्धारलाई मिलेर आउन भन्दै आधा घण्टाको समय दिएको थियो । तर दुबै उमेद्धारले नाम फिर्ता नलिने अडान राखेपछि नेतृत्वलाई सर्बसम्मति अध्यक्ष बनाउन हम्मेहम्मे परेको थियो । उमेद्धारी फिर्ता लिएपछि तिम्सिनाले प्रतिक्रिया दिदै नेतृत्वको प्रेशर थेग्न नसकेर उमेद्धारी फिर्ता लिएको बताउनु भयो ।
उता अध्यक्ष बनेपछि पौडेलले पार्टीलाई सशक्त बनाउन सबै क्षेत्रका साथीहरुलाई समेटेर अघि बढ्ने भन्दै संगठन विस्तार गर्ने क्रममा सबै समेट्ने बताउनु भयो । उहाँले छुटेका सबैलाई पार्टीको विभिन्न तहमा लगिने भन्दै पार्टीलाई सक्षम बनाउन लागि पर्ने उल्लेख गर्नुभयो । अधिवेशनले अन्य १५ सदस्य पनि छनोट गरेको छ ।
जसमा दमक नगरपालिकाबाट ६ जना, गौरादह नगरपालिकाबाट ४ जना, कमल गाउँपालिकाबाट ३ जना र गौरीगञ्ज गाउँपालिकाबाट २ जना छन् । झापाको कमल गाउँपालिका वडा नम्बर–५ स्थित मंगलमय माविको सभाहलमा भएको क्षेत्रीय अधिवेशनमा पार्टीका केन्द्रिय सदस्यहरु लक्ष्मी प्रसाद संग्रौला, राजेश गिरी, प्रदेश १ का अध्यक्ष राम थापा, झापा जिल्ला अध्यक्ष अमर विष्ट लगायतको उपस्थिति रहेको थियो ।
अरुपनि
आज यी स्थानमा भारी वर्षा हुने,सतर्कताका लागि अनुरोध
मौसम पूर्वानुमान महाशाखाले आज देशका प्रदेश नं १, प्रदेश नं २, गण्डकी प्रदेश र लुम्बिनी प्रदेशका केही स्थानहरुमा भारी बर्षाको समेत सम्भावना भएकाले आवश्यक सतर्कता
विश्वकाै प्रदुषित सहरमा काठमाडौं
केही दिन कम भएको नेपालको वायु प्रदूषण फेरि बढेको छ । राजधानी काठमाडौँ विश्वकै प्रदूषित सहर हुन पुगेको छ । घाम नलाग्ने, चिसो हुने, नाक
आजको मौसम : स्थानीयसँगै पश्चिमी वायुको आंशिक प्रभाव, हल्का वर्षाको सम्भावना
हाल देशमा स्थानीय वायुसँगै पश्चिमी वायुको समेत आंशिक प्रभाव रहेको छ। देशको पहाडी भू-भागहरुमा आंशिक बदलिएको अवस्था रहेको छ भने बांकी भू-भागहरुमा बदली नरहेता पनि
नेपालकाे वायु प्रदुषणले हिमाली भाग नाघेर तिब्बत पुग्याे
वायु प्रदुषण विश्लेषण गर्ने संस्था ‘आईक्युएअर’ को नक्सामा सोमबार पृथ्वीको धेरै भाग रातो देखिएको छ । रातो भागभित्र काठमाडौं समेत छ । नक्सामा रातो रङले
बिहीबार देखि वर्षा र हिमपातको सम्भावना
काठमाडौं / ढिलै भए पनि नेपालमा हिउँदे वर्षा र हिमपात हुने भएको छ । पर्सि बिहीबारदेखि वर्षा र हिमपातको सम्भावना रहेको मौसमविद्ले बताएका छन् ।