तेश्रो मेयर कपको उपाधि वडा नम्बर १० लाई

उत्तम रिजाल,झापा। झापाको दुधेमा सम्पन्न तेश्रो शिवसताक्षी मेयर कप फुट्बल प्रतियोगिताको उपाधि वडा नम्बर १० ले जितेको छ । उसले वडा नम्बर २ लाई ४–० को फराकिलो अन्तरमा पराजित गर्दै उपाधि जितेको हो । वडा नम्बर २ का संजिब बुढाथोकी अनुपस्थित भएको खेलमा वडा नम्बर १० हाबी भएको थियो ।

उसका लागि पहिलो हाफको १८ औं मिनेटमा जर्सी नम्बर ७ का पवन राईले गोलगर्दै टिमलाई अग्रता दिलाएका थिए । त्यसपछि उसका लागि पहिलो हाफको इन्जुरी समयको दोश्रो मिनेटमा जर्सी नम्बर १६ का रुपेश लिम्बुले दोश्रो गोल गरेका थिए । पहिलो हाफमा दुइ शुन्यको अग्रता लिएको उसले दोश्रो हाफको ११ औं मिनेटमा अन्तर तेब्बर बनायो । उसका पवन राईले थप गोल गरे ।

त्यसपछि ३९ औं मिनेटमा रुपेश लिम्बुले गोलगर्दै ४–० को अग्रता दिलाए । त्यपछि पनि गोलको प्रयास गरेपनि थप गोल भने हुन सकेन् । खेलको म्यान अफ दि म्याच पराजित वडा नम्बर २ का जर्सी नम्बर ५ का देवान सोरेन भए । त्यस्तै बेष्ट स्ट्राइकरको उपाधि वडा नम्बर २ का सागर महतेले पाए भने बेष्ट मिडफिल्डको उपाधि वडा नम्बर ७ का हेमन्त तुम्बापोले हात पारे ।

त्यस्तै बेष्ट डिफेण्डरको उपाधि वडा नम्बर १० का जर्सी नम्बर ४ का टेकेन राना मगरले जित्दा बेष्ट गोलकिपरको उपाधि विजयी टिमका संदिप लिम्बुले हात पारे । प्रतियोगिताकै सर्बोत्कृष्ट खेलाडीको उपाधि विजयी टिमका पवन राईले जितेभने सर्बाधिक गोलकर्ता पनि उनी नै बने ।

प्रतियोगिताको विजेताले नगद ७५ हजारसँगै ट्रफी हात पार्यो भने उप–विजेताले नगद ४१ हजार प्राप्त गर्यो । प्रतियोगिताको विजेता तथा उप–विजेताहरुलाई नगरपालिकाका प्रमुख चन्द्रकुमार शेर्मा, खेलकुद विकास समितिका अध्यक्ष फुर्वा लामा लगायतले पुरस्कार वितरण गर्नु भएको थियो ।