राज्यविरुद्धको कसुर अभियोगमा झाँक्री पक्राउ

काठमाडौं, २९ माघ/ राज्यविरुद्धको कसुर अभियोगमा नेपाल कम्युनिष्ट पार्टी (नेकपा) प्रचण्ड-माधव पक्षकी नेतृ रामकुमारी झाँक्री पक्राउ परेकी छन् । झाँक्री विरुद्ध प्रहरीले राज्यविरुद्धको कसुर अभियोग लगाएको छ । यो अभियोगको मुद्धा सम्बन्धित जिल्ला अदालतमा चलाईनेछ । यस अनुसार काठमाडौं जिल्ला अदालतमा उहाँको मुद्धा चल्ने भएको छ। मुलुकी अपराध सहिंताको दफा ५८ अनुसार राज्यविरुद्धको कसुर अन्तर्गत प्रहरीले अनुसन्धान गर्ने भएको छ। ।

झाँक्रीलाई दिइएको पक्राउ पुर्जीमा राज्यविरुद्धको कसुर अन्तर्गत अनुसन्धानको सिलसिलामा पक्राउ गरिएको उल्लेख छ । धारा ५७ मा राष्ट्रपति वा संसदलाई धम्की दिन नहुने उल्लेख छ । ‘कसैले नेपालको राष्ट्रपति वा संसदलाई संविधान तथा कानून बमोजिम गर्नुपर्ने कार्य सम्पादन गर्नबाट रोक लगाउन वा बञ्चित गर्न वा खास तरिकाबाट कार्य सम्पादन गर्न बाध्य गराउन कुनै किसिमको बल प्रयोग गरी वा नगरी कुनै किसिमको धम्की दिन, डर वा त्रास देखाउन वा अन्य कुनै किसिमले दवाव दिन नहुने’ उल्लेख छ ।

सो दफा अनुसार कसुर प्रमाणित भए झाँक्रीलाई ७ वर्ष कैद, ७० हजार जरिवाना वा दुवै सजाय हुनसक्ने व्यवस्था मुलुकी अपराध सहिंताको दफा ५८ को २ मा उल्लेख छ ।

Facebook Comments Box

                     

अरुपनि