देश भरकाे पछिल्लो २४ घण्टाका काेराेना अपडेट, कुन जिल्लामा कति ? काठमाडौंमा उच्च जाेखिम

पछिल्लो २४ घण्टामा काठमाडौँ उपत्यकामा मात्रै ८९९ कोरोना सङ्क्रमित थपिएका छन्। आठ हजार १४४ नमूना परीक्षण गर्दा उपत्यकामा ८९९ सहित एक हजार ६७४ जनामा सङ्क्रमण पुष्टि भएको हो।

स्वास्थ्य तथा जनसंख्या मन्त्रालयका अनुसार काठमाडौँमा ६८५, ललितपुरमा १६५ र भक्तपुरमा ४९, काभ्रेमा ५६, तनहुँमा ४४, कैलालीमा ४०, बाँकेमा ३९, कास्कीमा ७५, चितवनमा ६१, झापा र रुपन्देहीका ५७-५७, कपिलवस्तु र नवलपरासीमा ३३-३३, नवलपुरमा २८, मकवानपुरमा २५ र पाल्पाका १९ जना संक्रमण देखिएको छ।

मन्त्रालयका अनुसार धादिङमा १८, बर्दियामा १७, धनुषामा ११, दाङमा १०, गोरखामा नौ र नुवाकोटमा आठ जनामा कोरोना सङ्क्रमण भएको छ।

यस्तै सिराहा, धनकुटा, सिन्धुपाल्चोक, बाग्लुङ, स्याङ्जा र रोल्पाका सात/सात, डडेलधुरा पर्वत र बझाङमा छ/छ, सुनसरी, बारा र लमजुङमा पाँच/पाँच जनामा कारोना पुष्टि भएको छ।

त्यसैगरी सर्लाही, रामेछाप, इलाम, अर्घाखाँची, दैलेख, गुल्मी र सल्यानमा चार/चार, महोत्तरी, दोलखा, म्याग्दी, प्युठान, अछाम र कञ्चनपुरका तीन/तीना, उदयपुर, सप्तरी र सिन्धुलीका दुई/दुई र बाजुरा, खोटाङ, भोजपुर, सोलुखुम्बु, रुकुमपूर्व, रुकुमपश्चिम, सुर्खेत र बैतडीमा एक/एक जनामा कोरोना पुष्टि भएको छ। हाल मनाङ र मुगुमा एक जना पनि सङ्क्रमित छैनन्।

काठमाडौँ, ललितपुर, भक्तपुर, झापा, मोरङ, सुनसरी, चितवन, काभ्रे, कास्की, दाङ, रुपन्देही र कैलालीमा ५०० भन्दा बढी सक्रिय सङ्क्रमित छन्।

मन्त्रालयका अनुसार  कूल सङ्क्रमितको सङ्ख्या दुई लाख १८ हजार ६३९ पुगेको छ। हालसम्म कोरोनाका कारण एक हजार ३०५ जनाको मृत्यु भएको छ। तीमध्ये एक लाख ९३ हजार ३२५ सङ्क्रमणमुक्त भएका छन् भने हाल देशभर २४ हजार नौ सक्रिय सङ्क्रमित छन्।

सत्र हजार २०६ जना होम आइसोलेसनमा छन्। तीन सय ३६ जनाको आइसीयू र ४७ जनाको भेन्टिलेटरमा उपचार भइरहेको मन्त्रालयले जनाएको छ।

Facebook Comments Box

                     

अरुपनि