जनता समाजवादी पार्टीको भातृ संगठनको नाममा अराजक गतिविधी भएको दुई नेताको दावी

दमक / झापा जिल्लामा जनता समाजवादी पार्टीको भातृ संगठनका नाममा अराजक गतिविधी भएको भन्दै आज दुई युवा नेताले पत्रकार सम्मेलन मार्फत विरोध जनाएका छन् । तात्कालिक संघीय समाजवादी पार्टी निकट युवा संगठन समाजवादी युवा फोरमका जिल्ला अध्यक्ष खेम दहाल र नयाँ शक्ति पार्टी निकट युवा संगठन युवा शक्ति नेपालका जिल्ला उपाध्यक्ष प्रज्वल भण्डारीले दमकमा पत्रकार सम्मलेलन गरी विरोध जनाएका हुन् । पत्रकार सम्मेलनमा दहालले आधिकारीक जनवर्गिय संगठन हुँदाहुँदै जनता समाजवादी पार्टी निकट युवा संगठनबाट अराजक गतिविधी भएको उल्लेख गर्नुभयो । उहाँले आधिकारीक जनवर्गिय संगठन हुँदाहुँदै जनता समाजवादी युवा निकटले गर्ने भनिएको बाइक र्याली भनिएकोले बाईक र्याली गर्ने जनता समाजवादीको आधिकारीक संगठन नभएको दाबी गर्नु भयो । त्यस्तै भण्डारीले भातृ संगठन समायोजन नभएकाले आँफूहरु नै आधिकारीक भएको भन्दै केहिले पार्टीको नियम विधी र प्रक्रिया भन्दा बाहिर गएर गतिविधी गरेको दावी गर्नु भयो । दुबै जनाले हस्ताक्षर गरेको विज्ञप्तीमा भनिएको छ, २२ गते भष्टाचार र वेथिति विरुद्ध झापा जिल्लामा मोटरसाइकल र्याली गर्ने भनिएको सुन्नमा आएको छ । बर्तमान राजनैतिक परिस्थितीमा ओली सरकारको भ्रष्टचारी कदम विरुद्ध विरोध र खबरदारी हुनु स्वभाविक र स्वागतयोग्य कुरो भएपनि समाजवादी युवा फोरम झापा र पूर्व युवा शक्ति नेपाल झापालाई नै जानकारी नभएको विरोध कार्यक्रम गर्नु आँफैमा गैह्र जिम्मेवार क्रियाकलापको पराकाष्टा हो । पत्रकार सम्मेलनमा राष्ट्रिय जनता पार्टी दमक नगर सभापति चन्द्र राजवंशी, संघीय समाजवादी युवा फोरम नगर अध्यक्ष देव बहादुर भुजेल लगायत जिल्लाका अन्य नेता कार्यकर्ताहरुको उपस्थिति रहेको थियो ।