प्रदेश १ मा ह्वात्तै बढे काेराेना संक्रमित, बिर्तामोडमा १ सहित थपिए १ सय १५ संक्रमित

झापा /झापामा १ मोरङमा ८८ जना सहित प्रदेश १ मा १ सय १५ जना नयाँ संक्रमित थपिएका छन् ।

प्रदेश १ मा ८३ पुरूष र ३२ जना महिला बिहीबार थपिएका हुन् । प्रदेश १ मा बिहीबार थपिएका संक्रमित अहिलेसम्मका धेरै हो । विराटनगर महानगरपालिका भित्र बिहीबार एकै दिन ६० जना नयाँ संक्रमित थपिएका छन् ।

संक्रमित मध्ये ३८ पुरूष र २२ महिला रहेका छन् । झापाको विर्तामोडमा १ जना, इलाममा चार जना र उदयपुरमा १ जनामा संक्रमण देखिएको छ ।

यस्तै मोरङको बुढीगंगा गाउँपालिका २५ जनामा संक्रमण देखिएको सामाजिक विकास मन्त्रालयले जनाएको छ । संक्रमित सबै पुरूष छन् । बुढीगंगा देखिएको संक्रमित मध्ये आरती स्ट्रिप्समा काम गर्ने २१ जना रहेका छन् ।

अन्य बुढीगंगा २ का ३ जना र ७ का १ जना रहेका छन् । कटहरीमा तीन जना संक्रमण देखिएको छ । सुनसरीमा १५ पुरुष र ४ महिला गरि १९ जना संक्रमण देखिएको छ । इटहरीमा १० पुरुष, ३ महिला, धरानमा १, बराहक्षेत्रमा १, दुहबी ३ र रामधुनीमा १ मा संक्रमण पुष्टि भएको छ ।

Facebook Comments Box

                     

अरुपनि