दमक बाणिज्य संघमा अध्यक्षमा लोकतान्त्रिक समुहका श्रेष्ठ बिजयी

दमक/ दमक उद्योग वाणिज्य संघको निर्वाचनको जारी मतगणना अनुसार संयुक्त लोकतान्त्रिक व्यवसायी समूह तर्फका अध्यक्षका उम्मेदवार गोकुल श्रेष्ठ जितको नजिक पुगेका छन् । खसेको कुल २३६० मत मध्ये बाकी २६० मतको परिमाण नआउदै श्रेष्ठले कायम राखेको अग्रताले उनी जितको नजिक पुगेका हुन् । श्रेष्ठको अग्रता ४३८ रहेकाले प्राविधिक रुपमा घोषणा गर्न मात्र बाकी रहेको वतार्ईएको छ ।

जारी २१ सय गणनामा श्रेष्ठले आफना प्रतिद्धन्दी प्रगतिशिल समूहका विमल खतिवडालाई ४३८ मतको अन्तरले अग्रता कायम राखेका हुन् । श्रेष्ठले १२५५ ल्याएका छन् भने खतिवडाले ८१७ मत ल्याएर पछ्याईरहेका छन् ।
प्रगतिशीलले पदाधिकारीको वरिष्ठ उपाध्यक्षमा भने आफनोृ अग्रता कायम राखेका छन् ।
निर्वाचन समितिका अनुसार वरिष्ठ उपाध्यक्षमा प्रगतिशिल तर्फका उम्मेदवार गोपाल गुरागाईले ११३१ ,लोकतान्त्रिकका सुरज आचार्य ९०५ , प्रथम उपाध्यक्षमा लोकतान्त्रिकका राजु खड्काले १०७६ , प्रगतिशिलका युवराज घिमीरेले ९५१, द्धितीय उपाध्यक्षमा लोकतान्त्रिकका राजकुमार योङ्गयाले ९०० , प्रगतिशिलका घनश्याम खनालले ८१५ ,स्वतन्त्र टिका प्रसाईले ३०८ मत प्राप्त गरेका छन् । यस्तै तृतीय उपाध्यक्षमा लोकतान्त्रिककी रमा लिम्बुले १०७० र प्रगतिशिलका ज्ञानु पौडेलले ९४५ मत प्राप्त गरेको निर्वाचन समितिका सदस्य कृष्ण कार्कीले जनाएका छन् ।
वस्तुगत २२०० मत गणना गर्दा गायत्री पौडेल (सन्तोष १२०५, दिनेश सुबेदी ११११, तिलबहादुर डाँगी (तिलक) ७२०, तोयानाथ अधिकारी (राजेश) १०८६ ,दिनेशप्रसाद सुवेदी ११११,प्रकाश नेपाल ८३२ , भेनस श्रेष्ठ १०७४ ,मोहन ढकाल १२२३ ,राधाकृष्ण आचार्य ८२२ ,रिङ्गकुमार आचार्य १०७८ र रुवल अधिकारीले ११०९ मत पाएका छन् ।