ब्रमहकुमारीकाे आज आफ्नो २४ औ बार्षिक उत्सब कार्यक्रम सम्पन्न

दमक । ब्रमहकुमारी राजयोग सेवा केन्द्र दमकले आज आफ्नो २४ औ बार्षिक उत्सब तथा अलौकिक नामाकरण कार्यक्रम सम्पन्न गरेको छ ।
झापाको दमक ५ मा २४ बर्ष अगाडी स्थापना भएको यस ब्रमाहकुमारी राजयोग सेवा केन्द्रले आइतबार धुमधामका साथ आफ्नो बार्षिक उत्सब मनाएको हो । उत्सबको प्रमुख अतिथी संघीय सांसद महेन्द्राकुमारी लिम्बु, नगर उपप्रमुख गिता अधिकारीले संयुक्त उद्घाटन गर्नुभयो । स्वास्थको लागी योग, शान्तीको लागी योग भन्ने मुख्य उदेश्यका साथ स्थापना भएको यस सेवा केन्द्रले छोटो समयमानै धेरै काम गर्न सफल भएको बताइएको छ । सोही अवसरमा दमक २ निवासी ३९ बर्षिय बालब्रम्हचारी यामनाथ अधिकारीको अलौकिक नाम नामकरण गरिएको छ । उनलाई आजकै दिन देखि बिबेक भनेर अलौकिक नामाकरण गरेको ब्रम्हकुमारी राजयोग सेवा केन्द्र प्रदेश १ की संचालिका गिता दिदीले घोषणा गर्नु भएको हो । बिबेक १४ बर्ष देखि यस सेवा केन्द्रमा बालब्रम्हचारीका रुपमा रहदै आएको बताइएको छ । बिभिन्न भजन, सत्संग, नृत्य प्रस्तुत गरिएको सो कार्यक्रममा समाजसेबी राम थापा, हिमशिखर मिडिया ग्रुपका अध्यक्ष ध्रुब न्यौपाने लगायत यस केन्द्रमा आबद्ध बिभिन्न स्थानका भक्तजनहरुको सहभागिता रहेको थियो । भारतको राजिस्थानमा मुख्य कार्यालय रहेको यस सेवा केन्द्रको दमक लगायत नेपालका बिभिन्न शहरहरुमा पनि सेवा केन्द्र रहेको जनाइएको छ ।